Kryetarja e LSI Monika Kryemadhi ka reaguar në lidhje me deklaratën e Lulzim Bashës në lidhje me trekëndëshin e Bermundës. Lulzim Basha foli për trekëndëshin duke përfshirë këtu treshen Rama, Berisha dhe Meta, teksa kryetarja e LSI e ka komentuar shkurt këtë deklaratë. “Për mua asgjë e re nga fronti i lindjes”, u shpreh Kryemadhi.
Ndër të tjera ajo ka folur dhe në lidhje me situatën politike në vend, por pa lënë pas dhe djegien e mandateve të cilën e cilësoi një lojë të rrezikshme nga ana e opozitës.
“Djegia e mandateve ishte një lojë e rrezikshme që cenoi demokracinë dhe solli shpërnguljen në masë të të rinjve dhe të rejave. Duhet të punojmë të gjithë për vendin tonë. Sot pika më kulmore dhe më e rëndësishme, është t’u japim shpresë të rinjve dhe të rejave”, tha Kryemadhi.
Rikthimi i presidentit Meta në krye të partisë, nuk përjashtohet nga ana e saj, e cila pohon se LSI mirëpret çdo njeri që do të kthehet dhe të kontribuojë për të forcuar demokracinë.
“Kryemadhi foli dhe për LSI e cila ka një numër të vogël deputetësh në Kuvend.
Sot jemi në një aspekt komplet tjetër ku flasim me tallje me qytetarët shqiptarë. Kryeministri flet për ujin e pijshëm. LSI e sheh veten duke vazhduar misionin e saj. Kauza e opozitës deri në zgjedhjet e 2021, ajo që dua të them që LSI vazhdon të qëndrojë. Javën që kaloi dorëzova padinë e tretë për inceneratorin e Fierit. Kemi denoncime të tjera”, tha Kryemadhi.
