“Trekëndëshi i dashurisë”/ Pse nisi sherri i motrave Berisha me Klea Prengën – Dëshmitë

Një ngjarje e rëndë ndodhi mbrëmjen e së martës në një restorant në kryeqytet.

24-vjeçarja Klea Prenga ka denoncuar me pamje dhe me emra, sesi është dhunuar teksa ishte duke ngrënë darkë. Sipas saj, dikush e ka goditur nga pas dhe i ka thyer një shishe qelqi në fytyrë. Fajtore për këtë sulm bën motrat Mariela dhe Antonela Berisha. Kjo e fundit është e njohur për publikun falë pjesëmarrjes në disa programe televizive, si “Përputhen” apo “Big Brother”.

Ndërkohë, përmes një postimi në rrjetet sociale, Klea shprehet se personat në fjalë “as nuk më njohin dhe as nuk i njoh. Nuk kam pasur kurrë kontakt me to”. Gjithashtu 24-vjeçarja ka zbuluar se regjistrimet e kamerave janë në duar të shtetit dhe do të publikohen së shpejti.

Po për çfarë ka ndodhur ky sherr mes vajzave?

Sipas komenteve në postimin e Klea Prengës, gjithçka ka nisur pasi kjo e fundit është e dashura e bashkëshortit të Marielës.

Teksa komentuesit dënojnë dhunën, shkruajnë se bëhet fjalë për biznesmemin, Mir Pepa. Kujtojmë se gjatë qëndrimit të Antonela Berishës në shtëpinë e “Big Brother VIP 1”, ajo herë pas here e përmendte kunatin e saj, por pa zbuluar identitetin e tij. Por ishin komentuesit në postimin e Kleas, ata që shkruan emrin e biznesmenit nëpër komente. Madje ka nga ata që thonë se çifti Mariela-Miri në fakt është i ndarë.

“Më e forta është që paska kohë dhe qenka ndarë nga burri zonja e botës, e ka bërë veç nga inati. Më ordinere femra të dëshpëruara. Lëvizje të dëshpëruara”, shkruan një komentues.

Këtë të premte, policia njoftoi shpalljen në kërkim të motrave Berisha. Ato akuzohen për veprën penale plagosje e rëndë me dashje kryer në bashkëpunim.

“Specialistët për Hetimin e Krimeve të Komisariatit të Policisë Nr. 1 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punojnë për lokalizimin e shtetaseve A.B., 28 vjeçe, dhe M.B., 28 vjeçe, të dyja banuese në Tiranë, për veprën penale “Plagosja e rëndë me dashje” kryer në bashkëpunim, parashikuar nga neni 88/25 i Kodit Penal. Këto dy shtetase, në bashkëpunim me njëra-tjetrën, në ambientet e një lokali në Tiranë, dyshohet se kanë goditur me shishe qelqi në fytyrë shtetasen K.P., 24 vjeçe. Materialet i kaluan Prokurorisë”, njoftoi policia.