Familjarët e Liridona Ademaj, kanë hapur dyert e mortit në fshatin Rracaj të Gjakovës ku pritet të rivarroset 30-vjeçarja e vrarë më 29 nëntor në Prishtinë.
Qindra qytetarë tashmë kanë shkuar për të ngushëlluar familjen Ademaj.
Ajo është zhvarrosur nga varrezat e fshatit Cërmjan të Gjakovës dhe pritet të rivarroset në fshatin Rracaj.
Pjesë e ceremonisë së varrimit të Liridona Ademajt është bërë edhe Ministri i Punëve të Brendshme, Xhelal Sveçla.
Gjykata Themelore e Prishtinës, ua ka caktuar nga 30 ditë paraburgim, Naim Murselit, Granit Plavës, dhe Kreshnik Kokallës, të dyshuar për vrasjen e Liridona Ademajt.
I dyshuari kryesor, Naim Murseli që ishte edhe bashkëshorti i Liridonës, ka organizuar vrasjen e gruas së tij duke paguar 30 mijë euro për kryerjen e këtij akti makabër.
Liridona Ademaj, u vra në Bërrnicë të Prishtinës, më 29 nëntor.
Discussion about this post