“TRIOS” dhe Veliaj, fitime me tenderë fiktivë, zbulohet mashtrimi

Erion Veliaj e ka kthyer në të zakonshme dhënien e tenderëve publik për kompanitë e miqve të tij, në shkelje të ligjeve dhe rregullave të prokurimeve publike.

Këtë herë bëhet fjalë për një tender të bërë nga Bashkia Tiranë, nëpërmjet Drejtorisë së Përgjithshme të Rrugëve dhe Ndiçmit Publik, për blerjen e lëndëve djegëse për përdorim termik, civil dhe industrial.

Tenderi i njoftuar në datën 22 tetor, me numër reference REF-09089-10-21-2021, fondin limit e ka 26 250 140 lekë të reja. Për këtë tender kanë marrë pjesë në garë dy kompani, “RESULI-ER” sh.a dhe “TRIOS” sh.a.

Fituese e këtij tenderi është shpallur “TRIOS” sh.a, pasi kompania “RESULI-ER” sh.a ka marrë pjesë fiktivish në garë duke mos dhënë asnjë ofertë, pra ka zhvilluar një garë fallco për të legjitimuar fitoren e kompanisë “TRIOS” sh.a. Dhe një nga arsye e skualifikimit të “RESULI-ER” sh.a, shënohet se operatori ka ofruar vetëm marzhin e fitmit dhe jo çmimin për njësi. Kështu, ky tender është shënuar me “red fleg”, për arsyen e skualifikimit të të gjithë operatorëve ekonomik dhe shpalljen e fituesit pa pasur konkurrent.

Në një hulumtim të bërë për “TRIOS” sh.a, shohim që është një kompani besnike vetëm e Bashkisë së Tiranës, pasi të gjitha tenderat e fituar publik i ka vetëm me Bashkinë Tiranë. Në total nga viti 2017 deri në 2021, ka fituar lidhur 8 kontrata publike me një xhiro prej 25 769 622 lekë të reja.

Por ajo që është dhe më interesante për këtë kompani, është se në të gjithë tenderët që ka marrë pjesë dhe ka fituar, garën e ka pasur me po të njëjtën kompani “RESULI-ER” sh.a dhe vetëm në dy tender ka pasur konkurrent të tretë. Akoma më tej, kompania në tenderët e fituar më parë, nuk ka paraqitur ofertë, por vetëm marzhin e fitimit dhe ka dal fituese, ndryshe nga sa është vepruar në tenderin e fundit, ku kompania “RESULI-ER” sh.a e cila kishte paraqitur vetëm marzhin e fitimit dhe jo ofertën, është skualifikuar. Pra, për të njëjtat gara Bashkia Tiranë përdor standard të dyfishtë, gjë që të çon në dyshime më të forta që tenderët jepen sipas njohjes e jo sipas ligjit.

Por siç e thamë dhe më sipër, kjo nuk është hera e parë që Bashkia Tiranë dhe Erion Veliaj zhvillojnë garë fiktive me tenderët publik, në mënyrë që paratë të shkojnë tek kompanitë e miqve të tij.

Gijotina.com