Virusi “ Koksaki” është zbuluar disa javë më parë në Kosovë, por në ditët e fundit ka filluar të prek dhe fëmijët në Shqipëri. Mjeku i njohur, Tritan Kalo tregon se ky virus është përhapur shumë në çerdhe dhe kopshte ndaj, ai iu bënë thirrje prindërve dhe edukatorëve se duhet të marrin menjëherë masa kur shikojnë fëmijë me puçrra në fytyrë. Kalo thotë përmes një postimi në Facebook se uji është i infektuar me këtë virus dhe prandaj ai po përhapet në rimte shumë të shpejta.
Kalo tregon se virusi shfaqet tre ditë pas infektimit me shenja si temperaturë, ulje të oreksit dhe këputshmëri, më dallojnë shenjat karakteristike të sëmundjes puçrra në fytyrë dhe kudo në trup.
“Shkaktari më i shpeshtë i infeksioneve është Coxsackievirus A 16, dhe më rrallë Enterovirus 71. Përhapet nga kontaktet direket me personin e sëmurë, duke qenë se virusi gjendet në lezionet kutane, të gojës si dhe eliminohet me feçet e tyre Edhe uji i infektuar me këto viruse është njëkohësisht përhapës i infeksionit. Personat e infektuar janë përhapës të tij në tre ditët e para të sëmundjes, POR edhe gjatë tërë javës së parë të shfaqjes së saj….Transmetohet vetëm midis njerëzve
PAS kalimit të sëmundjes virusi mundet të jetë i pranishëm në rrugët e sipërme të frymëmarrjes edhe për tre javë, si edhe në tubin tretës për dy deri në tetë javë, Periudha pa shënja/e inkubacionit varion nga një deri në tre ditë pas kontaktit me një person të sëmurë, të cilët kanë shenja të përgjithshme si për çdo infeksion: temperaturë, ulje të oreksit dhe këputshmëri, të cilat 2-3 ditë më pas vijojnë nga shenjat karakteristike të sëmundjes, rashin (njollat e kuqe) 2-3-5 mm, që më pas evoluojnë shpesh në fshikëza të vogla në duar, këmbë dhe gojë”, shkruan ai.
Sipas mjekut, sëmundja përgjithësisht zgjat nga 7 – 10 ditë, por mund të jetë i pranishëm në rrugët e sipërme të frymëmarrjes edhe për tre javë. Ndërsa tregon se nuk ka mjekim të posaçëm për këtë virus, por duhet shtuar higjiena dhe kujdesi ndaj fëmijëve.
Fshikëzat e gojës shoqërohen shpesh me dhimbje fyti e vështirësi në gëlltitje, çka i rrezikojnë sidomos fëmijët nga dehidrimi. Sëmundja përgjithësisht zgjat nga 7 – 10 ditë. Nuk ka asnjë mjekim specifik ose Vaksinë për parandalimin e saj. Kujdes i kushtohet dhënies së Paracetamolit dhe antipiretikëve të tjerë, rehidrimit dhe ushqimit sa më të lëngshëm sidomos kur i sëmuri ka lezione në gojë”, shkruan ai, ndërsa u bënë thirrje prindërve të izolojnë menjëherë fëmijët nëse vënë re këto simptoma.
Discussion about this post