Ish-ministri i Shëndetësisë, Tritan Shehu ka sjellë sërish në vëmendje interpelancën për strategjinë e vaksinimit kundër Covid në vend.
Shehu nëpërmjet një statusi në “Facebook”, rëndit disa nga pikat më të domosdoshme drejtuar Ministrisë së Shëndetësisë, që sipas tij i shërbejnë kësaj strategjie, ndërsa thekson se është depozituar më datë 19 shtator.
1-Për domosdoshmërinë e vaksinimit Covid të popullsisë, duke përcaktuar edhe llojet e vaksinave, që do të përdoren sipas grup moshave e individualiteteve të qytetarëve.
2-Për domosdoshmërinë e deklarimit të një afati final për përfundimin e vaksinimit masiv për imunizimin e të paktën 85% të popullsisë.
3-Për domosdoshmërinë e ndërprerjes së përdorimit të çdo vaksine të pa certifikuar nga EMA dhe vazhdimin e procesit vetëm me të tilla.
4-Për nevojën e rivaksinimit të të gjithë atyre që u janë aplikuar vaksina të pa certifikuara e të pa efektshme, si ato kineze e ruse.
5-Për domosdoshmërinë e aplikimit të dozës së tretë të vaksinave.
6-Për uljen e moshës së vaksinimit së pari në 12 vjeç.
7-Për strategjinë e përdorimit të “Green Pass” Covid për vaksinat, me efekte kjo brenda e jashtë vendit dhe për politiket e tjera në stimulim të vaksinimit.
8- Për domosdoshmërinë e përmirësimit të sistemit parësor, spitalor, mbrojtjes se personelit shëndetësor në muajt që vijnë, për të përballuar përkeqësimin e gjendjes.
9-Për politikat e aplikimit të testimeve ndaj Covid prej Qeverise.
