Tritan Shehu ka komentuar sot takimet që ka bërë Berisha në Gjirokastër dhe Elbasan, duke thënë se qytetarët po përkrahin gjithmonë e më shumë “Foltoren” e tij.
Përmes një postimi në Facebook, ai shprehet se qytetarët nga i gjithë vendi e shohin si domosdoshmëri mbajtjen e Kuvendit Kombëtarë të PD, duke e parë atë si shpresë për demokraci në të ardhmen.
“Banorët e Gjirokastrës, Përmetit, Tepelenës, Libohovës, Këlcyrës, Memaliajt nuk kanë komplekse, janë njerëz të lirë në bindjet e vendimmarrjen e tyre, prandaj janë të hapur ndaj dëgjimit e ballafaqimit te ideve, pjesëmarrjes ne debate e diskutime. Prandaj ata ishin aq aktive e prezentë në aktivitetet e asaj ditë me Z. Berisha, duke demonstruar qartazi vullnetin e tyre për një PD te hapur, të fortë, gjithë përfshirëse, pikërisht për të ndërtuar nesër së bashku një Shqipëri demokratike të të gjithëve.
Dhe për të formatizua këto mendime e aspirata, për ta bërë PD dinamike, transparente, një motor lëvizës i shoqërisë shqiptare, sot ka vetëm një rruge: është Kuvendi Kombëtar i PD”, shkruan ai.
Sipas Shehut, askush nuk mund të pengojnë mbledhjen e firmave dhe realizmin e Kuvendit të PD. Ndërsa tregoi se, më pas të gjithë të bashkuar do të bëhen gati për të rrëzuar sistemin që na drejton me çdo kusht.
“Kjo përputhet pikërisht me këtë faze, përballë problemeve e rreziqeve për PD, si një domosdoshmëri absolute.
Askush nuk mund të ketë hezitime tashmë përpara këtij realiteti, që kërkon një zgjidhje demokratike, institucionale, statuore, gjithë përfshirëse, që fillon me Kongresin.
Ai është i vetmi vend i diskutimit tonë parimor e i vendimmarrjeve racionale, të domosdoshme këto për të qenë sëbashku në përpjekjet tona për ngritjen jo vetëm si PD, por dhe si opozite. Për ta rritur e forcuar kështu rolin tone, për përmbysjen e neserme të këtij regjimi”, shprehet ai.
Shehu thotë se, shumë shpejt do të shihen efektet e “Foltores”.
