Tritan Shehu reagon për landfillin e plehrave në Përmet: Nëse ndërtohet do të jetë një katastrofë mjedisore

Deputeti i Partisë Demokratike, Tritan Shehu me një postim në Facebook është shprehur kundër ndërtimit të landfillit të plehrave në Piskovë të Përmetit.

Sipas tij landfilli do të jetë vetëm pak metra larg shtëpive të bara, bagëtive dhe kafshëve dhe për më tepër pranë Frashërit i shpallur “Park Kombëtar”. Shehu shkruan se  dëmet e këtij projekti do të jenë të mëdha për shkak të papërgjegjshmërisë.

“Piskova e Përmetit rrezikon një katastrofe mjedisore, shëndetësore dhe ekonomike! Prandaj banoret e Piskovës e me gjere janë duke protestuar, por askush nuk po i dëgjon. Landfilli i plehrave, që po ndërtohet për depozitimin e tyre aty, në një vend krejt të pa përshtatshëm, me të drejtë ka ngjallur zemërimin e banorëve të zonës. Vendndodhja është vetëm 200 m larg impiantit të ujit të pijshëm, afër lumit Vjosë, në një zonë intensive bujqësore e blegtorale.

Dhe për më keq kjo kërkon të realizohet menjëherë sapo merr kthesën për Frashër, pikërisht në atë zonë ku dhe tabela shënon “Park Kombëtar”! Në këtë mënyrë dëmet e këtij projekti jo transparent, krejt të pa studiuar e të pa argumentuar janë të shumëllojshme në shëndet, ambient, nivel të zonës turistike, si dhe me kontaminim e ujit të pijshëm dhe të lumit” – shkruan Shehu.

Më tej Shehu shkruan se si rrjedhojë aty do të dëmtohet edhe bujqësia, blegtoria, bletë rritja dhe rrjedhojë aty do të dëmtohet edhe bujqësia, blegtoria, bletë rritja.

“Si rrjedhojë aty do të dëmtohet edhe bujqësia, blegtoria, bletë rritja etj. Dhe e gjithë kjo bëhet pa mirëkuptimin e banorëve, në mënyrë arbitrare, për të mos folur për nevojën e një referendumi lokal për një projekt të tillë.

Dhe me komikja është se atyre u thuhet:

Ky është një projekt i përkohshëm, duroni nja 5 vite e më tej zona do pyllëzohet. Pa përgjegjshmëri i lartë kjo, sikur të flitet për 5 ditë! Nga ana tjetër mos të harrojmë se demet e tilla mjedisore, në shëndet, prodhim, turizëm etj, janë polivalente dhe afatgjatë, edhe sikur ky 5-vjeçar të ishte i vërtetë!

Organet përkatëse duhet të ndërhynë menjëherë për ndalimin e këtij projekti, rishqyrtimin e tij jo vetëm me specialiste, por dhe duke dialoguar qartë e gjerësisht me banorët e atyshëm, bashkëvendosur nën një transparencë të plotë” – shkruan Shehu.