Një shpërthim i dyshuar me lëndë plasëse ka ndodhur rreth orës 01:15 të natës në rrugën “Ramazan Gaxherri” në Tiranë, në një lokal të mbyllur në pronësi të shtetasit S. H, rreth 44 vjeç.
Sipas policisë, shpërthimi ka shkaktuar vetëm dëme materiale, ndërkohë që fatmirësisht nuk ka pasur persona të lënduar.
Grupi hetimor ka nisur hetimet për të sqaruar rrethanat e ngjarjes dhe për të identifikuar dhe kapur autorët e mundshëm të aktit.
Njoftimi i policisë:
Tiranë/Informacion paraprak
Rreth orës 01:15, është marrë njoftimi se në rrugën “Ramazan Gaxherri”, në ambientin e jashtëm të një lokali të mbyllur në pronësi të shtetasit S. H, rreth 44 vjeç, dyshohet se ka plasur një sasi e vogël lëndë plasëse.
Si pasojë ka vetëm dëme të vogla materiale. Nuk ka persona të dëmtuar.
Discussion about this post