Tritol banesës dykatëshe në Rrilë të Lezhës, reagon pronari: Ishim në gjumë…

Një sasi lënde plasëse ka shpërthyer orët e para të mëngjesit të së shtunës, pranë një banese në qytetin e Lezhës.

Lënda plasëse është vendosur në banesën e Mirash Gjonit, në fshatin Rrilë.

Bëhet me dije se nga ky shpërthim ka vetëm dëme materiale dhe nuk ka persona të lënduar.

Në vendngjarje kanë mbërritur forcat e policisë, të cilat po hetojnë më shumë mbi rrethanat e ngjarjes.

“Më kanë vendosur dinamitin te dera. Ishte shpërthim shumë i fortë. Më kanë rrezikuar jetën. Unë isha në gjumë. Nuk kam asnjë problem me asnjë. Jetoj me gruan dhe fëmijët i kam jashtë. I bëj thirrje mos të merren me moshën time”, tha pronari në një prononcim për mediat.

Rasti vjen pak kohë pas një tjetër ngjarjeje të ngjashme në të njëjtën zonë, ku më 21 maj një lëndë shpërthyese ishte vendosur në vilën e Tom Çungut, duke shkaktuar gjithashtu dëme materiale dhe duke mbetur pa autor deri tani