18 raste të sulmeve me tritol janë regjistruar brenda këtij viti në Shqipëri. I pari me pasoja në njerëz ka qenë ky i sotmi ku ka humbur jetën si pasojë e një atentati në autostradën Sauk-TEG në dalje të Tiranës, 27-vjeçari, Aleksandër Sadikaj. Sadikaj e humbi jetën mesditën e së shtunës pasi makina e tij tip “Volkswagen” shpërtheu gjatë lëvizjes nga tritoli i vendosur në të.
Raste të tjera eksplozivi kemi hasur dhe në automjete apo banesa të policëve.
Gijotina.com ka raportuar në mënyrë të vazhdueshme çdo rast të tillë, ku përmendim ngjarjen e ndodhur në lokalin ‘Odeon 2”, në Radhimë. Fatmirësisht, nga shpërthimi nuk ka pasur persona të lënduar, mirëpo u raportua se dëmi ishte kolosal pasi edhe sasia e tritolit e vendosur ishte e madhe.
Edhe në Vlorë para disa kohësh i është vendosur tritol një makine te lagjja Pavarsia.Tritoli ka shpërthyer në automjetin tip ‘Audi’, në pronësi të E. K., 31 vjeç, banues në Elbasan.
Rasti tjetër që bëri bujë në media ka qenë shpërthimi me tritol në shtëpinë e Kreut të Federatës Shqiptaret të Futbollit, Amrnad Duka në Durrës. Nga shpërthimi kishte vetëm dëme materiale, kryesisht në portën e jashtme të shtëpisë.
Po ashtu dhe Shkodra nuk ka qenë e qetë, ku është raportuar se një sasi tritoli ishte vendosur pranë një muri rrethues në fshatin Hot i Ri. Burime bën të ditur se lënda plasëse ishte vendosur në banesës e efektivit të policisë lokale të Shkodrës, Pëllumb Vuka. Gijotina.com raportoi se nga shpërthimi ishte dëmtuar mjeti i tij tip Benz, i parkuar para banesës.
Rasti tjetër i freskët është vendosja e lëndës plasëse në lokalin e reperit të njohur, Rigels Rajku ose sikurse njihet me emrin e skenës, Noizy. Kujtojmë që Noizy këto dittë ka qenë në qendër të medias për shkak të sherrit që zhvilloi me ish-anëtarin e grupit TBA, Kleviol Ahmeti i njohur me nofkën “Cllevio Serbiano”.
Ndërkohë profesori i kriminologjise, Ervin Karamuço, pak ditë më parë, në intervistë për EuronewsAlbania, e ka cilësuar situatën alarmante. Sipas tij duhet bërë një inventarizim i tritolit dhe një hetim që do të zbulojë se nga sigurohet kjo sasi eksplozivi.
Discussion about this post