Policia e Krujës ka zbardhur ngjarjen e regjistruar në orët e para të mëngjesit të 31 Janarit në Fushë Krujë, ku iu vendos tritol lokalit “Brazili i vjetër” në pronësi të Bledar Talit.
Nga hetimet e kryera ka rezultuar se autori i vendosjes së tritolit është 41-vjeçari Mondi Topalli nga fshati Tapizë, i cili është shpallur në kërkim nga autoritetet policore.
Gjatë kontrollit që uniformat blu kanë ushtruar në banesën e Mondi Topallit, është gjetur një armë gjahu dhe municion luftarak, të cilën babai i 41-vjeçarit, Gëzim Topalli e mbante pa leje.
Raportohet se ky i fundit është proceduar në gjendje të lirë, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive”.
Nuk dihet nëse Mondi Topalli ka patur konflikt me Bledar Telin, apo është porositur nga dikush tjetër për vendosjen e tritolit.
Materialet procedurale iu referuan Prokurorisë së Tiranës, për veprime të mëtejshme.
Discussion about this post