Tritoli në banesën e Armand Dukës, Meta: Të vihen para drejtësisë autorët dhe frymëzuhesit e tyre

Presidenti Ilir Meta ka reaguar pas shpërthimit me tritol pranë banesës së kreut të Federatës Shqiptare të Futbollit, Armand Duka.

Në një postimi në rrjete sociale, Meta e konsideron këtë ngjarje si një akt terrorist dhe kriminal.

Kreu i Shtetit u bën thirrje organeve ligjzbatuese që të ndalojnë dhe të vendosin përpara përgjegjësisë autorët e dyshuar të ngjarjes.

“Dënoj me forcë aktin terrorist në familjen e Presidentit të Federatës Shqiptare të Futbollit, z.Armando Duka dhe u bëj thirrje të gjithë institucioneve ligjzbatuese të zbardhin me transparencë këtë ngjarje shumë të rëndë.

Një akt i tillë kriminal, në vijim të dhunës verbale, shantazhit dhe presioneve publike, shton emergjencën për ndalimin sa më parë dhe nxjerrjen para drejtësisë të frymëzuesve dhe autorëve” – shkruan Meta.