Nga spitali rajonal i Fierit ku ishte i pranishëm dhe ambasadori rumun në Shqipëri, kreu i grupit parlamentar të PS, Taulant Balla u pyet nga gazetarët edhe për shpërthimin me tritol në banesën e kreut të FSHF, Armando Dukës mbrëmjen e djeshme.
Balla ka mbrojtur kolegun e tij socialist Erion Veliaj duke kërkuar që çështja të mos politizohet, ndërsa u shpreh se prokuroria dhe policia po qëndrojnë në krye të detyrës.
“Policia dhe prokuroria janë në krye të detyrës dhe në çdo rast ata duhet të bëjnë detyrën sepse unë mendoj se kjo nuk duhet politizuar dhe drejtuar gishti ndaj askujt. Ndaj edhe reagimi i kolgeut tim Erion Veliaj ka qenë shumë mbështetës në dobi që të hetohet çdo lloj tentative për të intimiduar këdo. Unë besoj se shumë shpejt policia do vendosë një dënim shembullor. Nuk e di se ku e gjejnë burimin por ligji do godasë këdo”, tha Balla.
Kujtojmë se përplasja që Bashkisë Tiranë ka me kreun e FSHF, Armando Duka ka qenë një ndër lajmet më të rëndësishme të dy javëve të fundit, që kulmoi me tritolin që iu vu në banesë Dukës mbrëmjen e djeshme, ku fatmirësisht pati vetëm dëme materiale.
Discussion about this post