I vihet tritol në orët e para të mëngjesit banesës së efektivit të policisë Valter Serra në Shkodër. Mësohet se ngjarja ka ndodhur në fshatin Bardhaj rreth orës 02:00.
Si pasojë e shpërthimit është dëmtuar automjeti tip “Volksewagen” në pronësi të tij dhe janë shkaktuar dëmtime të lehta në banesën e tij. Policia njofton se Serra është me detyrë punonjës i Patrullës së Përgjithshme të Komisariatit të Policisë Shkodër.
Sipas burimeve, autorët kanë qenë duke lëvizur me një automjet kur lëndën plasëse e kanë hedhur brenda në oborr.
Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon punën për zbardhjen e rrethanave të kësaj ngjarjeje.
Njoftimi i policisë:
Më datë 30.12.2022, rreth orës 02:00, në fshatin Bardhaj, ka shpërthyer një sasi lënde plasëse, para banesës së shtetasit V. S., me detyrë punonjës i Patrullës së Përgjithshme të Komisariatit të Policisë Shkodër. Si pasojë është dëmtuar automjeti tip “Volkswagen” në pronësi të këtij shtetasi dhe janë shkaktuar dëmtime të lehta në banesën e tij. Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon punën për zbardhjen e rrethanave të kësaj ngjarjeje. Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.
Discussion about this post