Deputetja e PD Ina Zhupa ka folur në parlament edhe për tritolin e vendosur ndaj kryetarit të Partisë Demokratike në Vaun e Dejës, Bernard Ndreca.
Zhupa deklaroi se demokratët nuk tremben nga ky tritol dhe kërkoi që hetimet të nxjerrin fajtorët para drejtësisë.
“Në këtë parlament kemi 8 javë që nuk diskutojmë për çështje të zgjedhësve. Këtë javë kishit justifikim pushimin zyrtar. Shqetësimi juaj i parë nuk është çështje e zgjedhësve, por kohën e opozitës nuk mund ta merrni. Ne kemi të drejtën tonë t’i themi qeverisë se kush është realiteti.
Doja të ndalesha edhe tek akti terrorist ndaj kryetarit të PD për Vaun e Dejës, kjo ishte një nisje e fushatës me tritol. Ministri i Brendshëm duhet të na tregojë se deri në çfarë niveli janë hetimet. Demokratët nuk trembën, hiqni dorë nga këto metoda dhe distancohuni sot publikisht nga kjo ngjarje”, tha Zhupa.
Discussion about this post