Vijojnë hetimet për dy shpërthimet me tritol mëngjesin e sotëm në Shkodër. Së fundmi është zbuluar se autorët kanë përdorur rreth 700 gram në biznesin e kandidatit për kryetar bashkie Xhemal Bushati.
Sipas ekspertëve, sasia e eksplozivit e vendosur pranë pronës së Bushatit ka qenë 450 gramë. Ndërsa në supermarketin pranë “Loro Boriçit” u vendosën rreth 250 gramë lëndë plasëse.
Për shpërthimet që tronditën Shkodrën hetuesit jo vetëm që nuk kanë mundur të identifikojnë autorët, por deri më tani nuk ka asnjë person të dyshuar.
Ndërkohë edhe pse mekanizimi në të dyja shpërthimet ka qenë i njëjtë, hetuesit nuk kanë mundur të vërtetojnë apo të dalin në një përfundim nëse ato kanë apo jo lidhje me njëri-tjetrin. Deri tani pamjet filmike kanë pikasur vetëm autorin e vënies së tritolit në pronën e kandidatit për kryebashkiak Xhemal Bushati, por pa identifikuar se cili është ky person.
Për këtë ngjarje policia nuk ka shoqëruar asnjë të dyshuar, që mund të kenë dijeni lidhur me ngjarjen.
Discussion about this post