Ish-kryeministri britanik, Boris Johnson, ka bërë një deklaratë të fortë, kur tha se Gjermania preferonte edhe një humbje të Ukrainës në vend të një konflikti të gjatë e të mundimshëm.
Komentet Johnson i bëri teksa ka folur për luftën në Ukrainë, duke theksuar se vendet e tjera europiane kishin pikëpamje të ndryshme dhe nuk ishin në unison për të përballuar agresionin rus.
Në komentet që ka të ngjarë të shkaktojnë trazira mes liderëve europianë, Boris Johnson tha për CNN Portugal: “Kjo gjë ishte një tronditje e madhe, ne mund të shihnim grupet taktike ruse që po grumbulloheshin, por vende të ndryshme kishin perspektiva shumë të ndryshme. Pikëpamja gjermane ishte se nëse lufta do të zgjaste do të ishte më mirë që Ukraina të humbiste,” tha ai.
Ai gjithashtu foli edhe për presidentin francez Emmanuel Macron, i cili udhëhoqi përpjekjen e Europës për të frenuar Vladimir Putinin përmes bisedimeve diplomatike.
“Mos kini dyshim se francezët nuk po shihnin realitetin deri në momentin e fundit,” tha Johnson.
Ish-kryeministri, i cili shihej si një aleat i ngushtë i Volodymyr Zelenskyy të Ukrainës, theksoi se kombet e BE-së më vonë filluan të mbështesnin Kievin, në luftën e tij me agresorin rus.
Lexo edhe: Boris Johnson është paguar mbi 300 mijë euro për një fjalim në SHBA
Discussion about this post