Detaje të tjera janë zbardhur në lidhje me krimin e ndodhur një ditë më parë në fshatin Kusarth të Elbasanit. Në dëshminë e tij para oficerëve të policisë gjyqësore, Tefik Tashi ka deklaruar se e vrau kunatën, Alma Qevanin pasi ajo kishte ditë që nuk e lejonte bashkëshorten e autorit të shkonte në shtëpinë e tij.
Tashi ka deklaruar se kjo situatë është agravuar së fundmi pasi kunata e tij e ka ofenduar vazhdimisht duke i thënë se ai vuan nga impotenca dhe motra e saj nuk duhet të kthehet të qëndrojë me të.
Sipas 58-vjeçarit kunata e tij Alma Qevani, shpesh e ka ofenduar edhe në sy të familjarëve, duke u bërë edhe objekt bisede në shtëpinë e tij dhe të bashkëshortes.
Alma Qevani u qëllua me sëpatë, pranë banesës së saj në fshatin Kusarth të njësisë administrative Bradashesh. Ngjarja e rëndë në Elbasan u regjistrua të mërkurën në 17 maj, ku Tefik Tashi qëlloi me sende të forta motrën e bashkëshortes së tij, duke i marrë jetën.
Sipas bashkëshortes së autorit, njëherazi motra e viktimës, shkak i konfliktit ishte bërë mos hapja e telefonit. Tefik Tashi u arrestua pak pas ngjarjes së rëndë, teksa dëshmia e tij ka hedhur dritë mbi atë që ka ndodhur të mërkurën. /Syri Tv/
Discussion about this post