Ish-futbollisti Patrice Evra ka publikuar autobiografinë e tij me titull ‘I love this game’ duke nxjerr në pah një histori të rëndë. Ai ka theksuar se në moshën 13 vjeçare është abuzuar seksualisht nga profesori i tij.
“Nuk mundesha më. Pas disa muajve i thashë nënës sime që nuk doja të qëndroja më tek ai por nuk i dhashë arsye. Në ditën e fundit, profesori e dinte që do të kthehesha tek prindërit, dhe më abuzoi seksualisht.
Nëse je një fëmijë që po e lexon këtë dhe po abuzohesh, duhet të flasësh. Nuk është turp, përballu me frikën tënde duke folur për të.
Ishte një moment i vështirë për mua. Akoma nuk ua kam thënë vëllezërve dhe shokëve të ngushtë. Është një situatë e vështirë. Një mama nuk pret ta dëgjojë këtë nga fëmijët e saj. Ajo më tha që të mos ta publikoja në libër sepse është diçka private, por unë po e bëj këtë për fëmijët e tjerë. Nëna ime më tha që do ta padiste nëse nuk e bëja unë”, theksoi Evra.
