Aksionet amerikane ranë ndjeshëm të hënën, si pjesë e një shitjeje të tregut global, të përqendruar rreth frikës së recesionit të SHBA.
Çmimet e arit ranë me më shumë se 2% në tregtimin e paqëndrueshëm të hënën, pasi investitorët likuiduan pozicionet së bashku me një shitje më të gjerë të aksioneve, megjithëse analistët thanë se interesi për arin si për strehë e sigurt mbetet e fortë, ndërsa frika e recesionit të SHBA rritet.
Çmimi i arit ra me 2% në 2,393,66 dollarë për ounce. Kontratat e arit në SHBA humbën 1.4%, shkuan në 2,434.10 dollarë.
Çmimet e metaleve të tjera të çmuara gjithashtu ranë, pasi shqetësimet e recesionit ulën perspektivën e kërkesës.
Argjendi ra me 5.7% në 26.92 dollarë ndërsa platini ra 4.1% në 918.35 dollarë dhe paladiumi humbi 4.5% në 849.05 dollarë, pasi arriti nivelin më të ulët, që nga gushti 2018.
Platini dhe paladiumi, të dy të përdorura në shkarkimet e motorrëve për të reduktuar emetimet, janë nën presion nga rreziku afatgjatë i paraqitur nga kalimi në emetimet neto zero.
Tregjet e tjera globale gjithashtu u ndikuan rëndë.
Yield-et e thesarit të SHBA ranë nga frika e recesionit, ndërsa investitorët vërshuan të blinin bono thesari, si investim të sigurt. Çmimet e obligacioneve lëvizin në mënyrë të kundërt ndaj yield-eve.
Bitcoin ra nga rreth 62,000 dollarë të premten, në rreth 52,000 dollarë të hënën.
Stoxx 600 i Europës u ul me 2.6% në Londër.
Indeksi i paqëndrueshmërisë CBOE arriti vlerën më të lartë që nga ditët e para të pandemisë në 2020, në mbi 53.
Flitet gjithashtu për rritjen e jenit, duke i shtuar presion rënies së tregut global, pasi Banka e Japonisë ngriti normat e interesit javën e kaluar. Jeni po rritet në vlerë kundrejt dollarit amerikan, duke i dhënë fund një praktike të tregtarëve, që marrin hua në monedhën e lirë, për të blerë aktive të tjera globale.
Të dhënat ekonomike, që priten të dalin, indekset ISM dhe PMI të korrikut, matës të performancës së kompanive të shërbimeve në SHBA, parashikohet të tregojnë një rritje në 50.9, nga 48.8 e mëparshme.
Bursat ulen ndjeshëm në hapjen e tregëtimit ditën e hënë
Aksionet amerikane u hapën me të kuqe të hënën.
Dow Jones Industrial Average ra me 1103 pikë, ose 2.8%.
S&P 500 ra me 225 pikë, ose 4.2%, ndërsa Nasdaq Composite ra me 6.3%.
/ CNBC, Reuters
Discussion about this post