Fansave do “iu thyhet zemra” pas këtij lajmi. Grupi korean me famë botërore BTS kanë plasur bombën atëherë ku askush nuk e priste. Anëtarët e grupit, RM, Jin, Suga, J-Hope, Jimin, V dhe Jungkook, njoftuan se po bëjnë një pauzë në një video të postuar në mediat sociale.
“Secili prej nesh do të marrim pak kohë për t’u argëtuar dhe për të përjetuar shumë gjëra” -tha Jungkook. “Ne premtojmë se do të kthehemi një ditë, edhe më të pjekur se sa jemi tani.”
Ndërsa yjet e K-pop nuk zbuluan re se sa do të zgjasë pauza, ata shprehën dëshirën e tyre për të eksploruar projekte solo.
“Gjithmonë kam menduar se BTS ishte ndryshe nga grupet e tjera, por problemi me K-pop-in dhe të gjithë sistemin është se ata nuk të japin kohë për t’u pjekur”, tha RM.
“Duhet të vazhdosh të prodhosh muzikë dhe të vazhdosh të bësh diçka”.Megjithatë, vendimi nuk ishte i lehtë.
“Ne nuk mund të mos mendojmë për fansat tanë pavarësisht se çfarë lloj artisti që duam të jemi solo. Mendoj se tani kemi filluar të mendojmë se si dëshirojmë të kujtohemi nga fansat tanë. Unë mendoj se kjo është arsyeja pse ne po kalojmë një problem të vështirë tani, ne po përpiqemi të gjejmë identitetin tonë dhe ky është një proces rraskapitës dhe i gjatë”, shtoi Jimin.
BTS u formua në 2010 pasi themeluesi i ‘Big Hit Entertainment’, Bang Si-hyuk rekrutoi RM-në, ndjekur nga Jin, Suga, J-Hope, Jimin, V dhe Jungkook, me grupin që debutoi zyrtarisht në 2013. Që atëherë, artistët kanë përjetuar sukses dinamit, duke përfshirë dy nominime ‘Grammy’, gjashtë nr. 1 në tabelën e ‘Billboard Hot 100’ dhe një ‘ARMY’ fansash.
Discussion about this post