Një ngjarje tronditëse është shënuar në Hjuston të Shteteve të Bashkuara të Amerikës. Raportohet se një djalë 8-vjeçar nga Venezuela u vra pasi u qëllua aksidentalisht nga vëllai i tij 10-vjeç. Të dy fëmijët ndodheshin vetëm në shtëpi. Familja e tyre ishte shpërngulur në SHBA vetëm para disa muajsh. Vëllezërit po luanin në dhomën e gjumit kur arma u shkrep, duke e plagosur për vdekje në gjoks.
Sipas Daily Mail, vëllai 13-vjeçar i djemve ishte gjithashtu brenda banesës në momentin e të shtënave, por ishte i padëmtuar dhe thirri 911.
“Këto situata janë të parandalueshme. Fëmijët nuk duhet të kenë kurrë akses në armë. Çdo gjë mund të ndodhë”, tha sherifi i qarkut Harris Ed Gonzalez.
Autoritetet po hetojnë se kush e zotëron armën e gjahut dhe nëse ajo ishte e mbushur nga njëri prej vëllezërve. Sherifi konfirmoi se ka të ngjarë të ngrihen akuza kundër prindërve.
Sipas ABC13.com, djemtë nuk ishin regjistruar në shkollë që kur u transferuan në perëndim të Houston nga Venezuela disa muaj më parë.
“Si prind, askush nuk duhet ta kalojë këtë. Është e tmerrshme që kjo të ndodhë çdo ditë. Diçka duhet bërë. Është jashtë kontrollit”, tha një fqinj i familjes.
Discussion about this post