Një rast çnjerëzor dhune është shënuar në vend. Një grua që jeton në Kamëz, Hava Kurti është dhunuar nga djali i saj 16- vjeçar. Nëna jeton në kushte të vështira ekonomike, dhe banesa e saj është thuajse e prishur. Hava është martuar dy herë, ku martesa e parë ka përfunduar shumë shpejt. Ndërsa martesën e dytë e kujton si vitet më të bukura, ku solli në jetë edhe një djalë.
“Një majë shpullë nuk më ka rënë”, thotë ajo për bashkëshortin e dytë. Por pasi i shoqi vdiq, djali i saj filloi të mos shkonte rregullisht në shkollë, e kur shkonte bënte debat me mësuesit. Madje ai filloi të ushtronte dhunë, ku e lidhi në oborr me zinxhirët e qenit.
“Profesori ia fuste shpulla dhe e la shkollën. Më ka lidhur me zinxhirët e qenit. Erdhi policia, kam shkuar herë pas here te policia. Është krim. Nuk ke jetë më kur të rreh fëmija. Të afërmit e mi e morën dhe i thanë mos e rreh nënën, futi krahët shtëpisë e ndihmo nënën”, tha Hava.
Por jo vetëm kaq, pasi djali u arrestua nga policia pasi së bashku me një tjetër u kap teksa gjuante me armë, duke terrorizuar njerëzit.
“E kapi policia, kam qëndruar deri vonë se nëna për fëmijën digjet”, tha Hava e cila nuk jeton dot pa djalin. Por sërish ka një kërkesë për policinë: “Mos ma ktheni, mbajeni derisa ti vijnë mend e kokës”.
Së fundmi rastet e dhunës dhe dhunës seksuale në vend po arrijnë shifra alarmante. Vetëm pak ditë më parë janë shënuar mbi 4 raste të viktimave që kanë rënë pre e dhunës seksuale.
Discussion about this post