Një krim i rëndë në familje ka tronditur Italinë. Sipas mediave vendase një 17-vjeçar ka vrarë me thikë nënën e tij në qytetin e Napolit. Mësohet se adoleshenti vrau mamanë në apartamentin ku jetonin. I riu goditi me thikë nënën e tij pas një debati, të cilin e dëgjuan edhe fqinjët.
Sipas mediave italiane, adoleshenti u gjet me duart me gjak më momentin e arrestimit, ndërsa mësohet se ishte i birësuar.
Viktima, Filomena Galeone, 61 vjeç drejtonte një qendër për të moshuar në Napoli. Tragjedia ndodhi në shtëpinë në Rampe, San Giovanni Maggiore, ku i riu jetonte së bashku me prindërit, të dy mjekë. 17-vjeçari, i adoptuar që i vogël ishte me origjinë nga Lituania, u tha forcave të rendit që kishte vrarë nënën e tij në kulmin e debatit. Pas mbërritjes së policëve, adoleshenti tha se ishte mbyllur brenda në banesë dhe nuk kishte çelësat e apartamentit.
Discussion about this post