Një ngjarje e përmasave tronditëse është regjistruar së fundmi në Britaninë e Madhe. Protagoniste është një grua, e cila është shpallur fajtore për vrasjen e shoqes së saj dhe hedhjen e trupit me kokë të prerë më shumë se 200 milje larg nga skena e krimit. Ndërkohë qëllimi i autores ishte i qartë: donte të trashëgonte qindra-mijëra paund.
Vetëm dy javë pas vrasjes kamerat kanë regjistruar Mitchell të largohej nga Londra në Anglinë jugperëndimore, ku dyshohet se ka hedhur trupin.
Shkaku i vdekjes së Chong, që njihej si “Deborah” ka të ngjarë të jetë për shkak të një goditjeje në kokë. Kur Chong u zhduk, Mitchell fillimisht tha se kishte shkuar për të vizituar familjen e saj “diku afër detit”. Në fakt, ajo i kishte prerë kokën dhe e kishte fshehur trupin në kopshtin e saj.
Vendimi i gjykatës u transmetua drejtpërdrejt në televizion, një ngjarje jashtëzakonisht e rrallë për drejtësinë britanike. Besohet se trupi i viktimës i prerë është mbajtur për dy javë në shtëpinë e Jemma Mitchell pastaj është hedhur në pyll në Salcombe, Devon.
Mitchell kishte falsifikuar një kopje të testamentit të Chong-ut, në mënyrë që 95% e pasurisë prej 700,000 paund të ishte lënë në emër të saj.
Sipas gjykatës ajo hartoi planin të vriste që të merrte pasurin dhe të paguante riparimet në shtëpisë. Gjykatësi Richard Marks vuri në dukje se Gemma Mitchell nuk kishte treguar asnjë pendim për krimin “thellësisht tronditës”.
Discussion about this post