Kafka dhe mbetjet kockore të gjetura pasditen e djeshme në zonën e Fushë-Kuqes në Kurbin janë dërguar për ekzaminim në institutin e mjekësisë ligjore në Tiranë, ku dyshohet se i përkasin ndonjë të riu që mund të ketë humbur jetën gjatë 10 viteve të fundit.
Mësohet se, kanë nisur verifikimet dhe kontrolli në listën e personave që rezultojnë të zhdukur, në 10 vitet e fundit, përfshirë dhe një 28-vjeçar nga zona Adriatikut. Familjaret e këtij të fundit do të jenë të parët që do ju merret ADN-ja për të bërë krahasimin, ndërsa ekzaminimet do të përcaktojnë nëse kemi të bëjmë me vrasje apo personi në fjalë mund të ketë gjetur vdekjen për shkaqe natyrale.
Eshtrat u zbuluan ditën e djeshme rastësisht nga banorët e zonës në rrugën e fshatit Adriatik, në një zonë të mbushur me pemë e shkurre, të cilët më pas kanë njoftuar menjëherë Policinë e Shtetit.
Discussion about this post