Tre javë që nga nisja e luftës, bilanci i viktimave të agresioinit rus në Ukrainë është rritur ndjeshëm, ku raketat e Putinit nuk kanë kursyer as civilët. Bombardimet në qytetin ukrainas të Chernihiv kanë lënë të vdekur 10 persona.
CNN ka konfirmuar se një raketë goditi një grup njerëzish që ishin në radhë për bukë në qytetin verior të Ukrainës, Chernihiv. Një reporter lokal në vendngjarje tha se të paktën 10 persona ishin vrarë, ndërsa të tjerë po transportoheshin për në spital.
Sulmi vjen pasi banorët në të gjithë qytetin mbeten të zhytur në bunkerë, strehime nëntokësore dhe shtëpitë e tyre mes një shtetrrethimi dyditor. Zyrtarët kanë paralajmëruar se ky është një moment “i vështirë dhe i rrezikshëm” për vendin.
Discussion about this post