Agjencia turke e menaxhimit të fatkeqësive AFAD ka regjistruar më shumë se 7,200 pasgoditje që nga 6 shkurti, kur ndodhi goditja shkatërruese me magnitudë 7.8.
Kështu raportojnë mediat e huaja, sipas të cilave, pas goditjes shkatërruese të 6 shkurtit, disa goditje të tjera janë regjistruar me magnitudë mbi 5.0 duke lënë shumë banorë pa strehë në rajonin e goditur nga tërmeti.
Tërmeti i fundit me magnitudë 6.4 dhe pasgoditja me intensitet 5.8 që goditi provincën jugore të Hatay të Turqisë në fillim të kësaj jave, e kanë lënë vendin të ballafaqohet me probleme gjithashtu.
Dhe ai erdhi pasi agjencia e menaxhimit të fatkeqësive AFAD raportoi për një numër të vdekjeve nga fatkeqësia e 6 shkurtit në 42 310.
Deri të mërkurën, AFAD thuhet se regjistroi gjithashtu më shumë se 7,200 pasgoditje gjatë dy javëve të fundit, me disa të regjistruara me magnitudë mbi 5.0 ballë dhe u ndjenë në 11 provincat juglindore të Turqisë të goditura nga tërmeti, si dhe në vendet fqinje si Siria dhe Libani.
Ndërkohë gjashtë viktima të tjera dhe 562 të plagosur u raportuan nga tërmeti i së hënës që goditi Hatajn. Dy të vdekur dhe disa të plagosur u raportuan gjithashtu në Siri.
Numri i të vdekurve të raportuar në Siri është 5814, i cili prej ditësh ka mbetur i pandryshuar ndërsa numri total i viktimave nga të dy vendet ka shkuar në mbi 48 000.
Discussion about this post