Qytetarët në Romë, kanë parë mëngjesin e sotëm, në sheshin Federico Sacco trupin e një 37 vjeçari, brenda një valixhe.
Valixhja ishte e izoluar me ngjitës, e mbuluar nga gjaku dhe e lënë pranë një makine. Viktima ishte sjellë në shesh, nga partnerja e tij, një grua 39-vjeçare e cila u tha oficerëve se partneri i saj kishte vdekur në shtëpi për disa ditë.
Mediat italiane shkruajnë se gruaja, në dëshminë e saj, kishte theksuar se për të i vetmi qëllim ishte të hiqte qafe trupin e tij. Gruaja kishte dëshmuar se burri kishte vdekur të hënën nga një mbidozë droge, pasi të dy ishin të varur nga lëndët narkotike.
Për hetuesit mbetet i dyshimtë fakti sesi gruaja, në pamje të parë shumë e dobët kishte arritur të transportonte trupin e burrit, me peshë rreth 90 kg.
Viktima ishte sjellë në shesh, nga partnerja e tij, një grua 39-vjeçare e cila u tha oficerëve se partneri i saj kishte vdekur në shtëpi për disa ditë.
