Një ngjarje tronditëse është raportuar në SHBA. Një grua nga Çikago është akuzuar se ka mbajtur trupin e pajetë të nënës së saj në një frigorifer për gati dy vjet, ndërsa jetonte në një apartament aty pranë.
Eva Bratcher, 69 vjeç, u paraqit në gjykatë të enjten me akuzën e fshehjes së vdekjes së nënës së saj 96-vjeçare dhe posedimit të një karte identifikimi të rreme.
Mediat e huaja raportojnë se, trupi i Regina Michalski u zbulua këtë javë në një frigorifer në garazhin pranë banesës që ato kishin ndarë. Hetuesit besojnë se ajo vdiq në mars 2021. Shkaku nuk do të përcaktohet derisa trupi të shkrihet.
Akuzat janë “shumë shqetësuese”, tha gjykatësi David Kelly në vendosjen e një garancie prej 20 000 dollarësh për Bratcher.
Ajo ka dënime të mëparshme për falsifikim dhe hetuesit thanë se po përpiqeshin të përcaktonin nëse Bratcher po mblidhte përfitimet e sigurimeve shoqërore të nënës së saj të ndjerë. Vajza e Bratcher, e cila jeton në Kentaki, i kërkoi policisë të kontrollonte shtëpinë pasi humbi kontaktin me gjyshen e saj.
Discussion about this post