Një adoleshente është abuzuar seksualisht nga një burrë që e ftoi në apartamentin e tij në mes të natës. E reja ka thënë para gjykatës se 41-vjeçari shqiptar e kishte marrë në shtëpi, duke u shprehur para të akuzuarit: Më shkatërrove jetën! Më vrave, më shndërrove në diçka që nuk e imagjinoja kurrë. Nuk kam jetuar prej asaj nate. Jam një e vdekur që eci për së gjalli!
Burri 41-vjeçar, emri i të cilit nuk mund të përmendet për të mbrojtur anonimitetin e viktimës, u shpall fajtor nga një juria për ngjarjen e ndodhur në Dublin më 21 gusht 2017. Në vitin që ndodhi ngjarja, viktima ishte vetëm 15 vjeç. Një detektiv tha gjatë seancës dëgjimore se vajza kishte ikur nga shtëpia pas një sherri me familjen. Ajo po qëndronte në rrugë rreth orës 04:00 të mëngjesit “në të ftohtë dhe e frikësuar të shkonte në shtëpi”. Në atë moment, disa shoferë taksie iu afruan për ta ndihmuar, por ajo kishte refuzuar që të shkonte me të.
Më pas, asaj i ishte afruar edhe shqiptari, i cili e pyeti nëse donte që të shkonte në apartamentin e tij, por gjithmonë duke i premtuar që nuk do ta prekte. Vajza pranoi të shkonte në apartamentin ku po qëndronte përkohësisht. Sipas saj, ajo shkoi të flinte në shtrat me rroba veshur, por më vonë iu bashkua edhe shqiptari, duke e përdhunuar. Megjithatë vajza mundi të arratisej pasi shqiptari po bënte dush.
Më pas, e reja ia tregoi gjithçka vëllezërve, të cilët shkuan në apartamentin e shqiptarit dhe e rrahën.Autoritetet gjetën në apartament shenja gjaku të vajzës. 41-vjeçari pranoi se vajza kishte qëndruar tek ai atë natë, por mohoi se kishte kryer ndonjë marrëdhënie seksuale me të. Ndërsa gjakun në çarçafë, e justifikoi me menstruacionet.
Shqiptari ndodhet në burg aktualisht dhe rrezikon deri në 15 vjet burg, ndërsa kishte edhe precedentë të mëparshëm penalë për shpërndarje droge. Sipas tij, shqiptari ka punuar më parë si shef kuzhine dhe ka qenë një individ pozitiv. Seanca për dënimin e shqiptarit është caktuar më 8 Dhjetor.
Discussion about this post