Manuel Neuer po kalon një nga periudhat më të vështira. Pasi përjetoi një Botëror shumë të dobët dhe zhgënjyes, që solli eliminimin e katër herë kampionëve të botës në grupe, kapiteni i Kombëtares dhe Bayern Munchen ka thyer këmbën duke bërë ski!
36-vjeçari gjerman ka mbyllur sezonin, ndërkohë që dha lajmin e keq nëpërmjet një postimi në Instagram.
“Çfarë mund të them, fundi i vitit mund të kishte shkuar padyshim më i mirë… Ndërsa po përpiqesha të pastroja kokën gjatë kohës që po bëja ski, pësova një frakturë në pjesën e poshtme të këmbës. Operacioni i djeshëm shkoi mirë. Shumë faleminderit mjekëve! Megjithatë, më dhemb të di se sezoni aktual ka përfunduar për mua. Kujdesuni për veten, i juaji Manuel”, shkruan lideri i Bayern Munchen.
Discussion about this post