Tronditet Belgjika, skandal seksual në burgun më të madh në vend

Një skandal seksual në burgun Lantin, burgu më i madh në vend, po shkakton “tërmet” në Belgjikë.

Sipas mediave belge, në skandal janë përfshirë zyrtarë të burgut, burra dhe gra që kanë marrë pjesë në “takimet e grupeve” brenda dhe jashtë burgut. 

Po ashtu, media “Sudinfo” bën të ditur se në mesin e emrave të lidhur me rastin është edhe ai i një këshilltari komunal 30-vjeçar.

Në mënyrë të veçantë, flitet për gjithsej dhjetë punonjës, mes të cilëve tre gra, të cilat kur organizonin takime jashtë burgut, zgjodhën shtëpinë e njërit prej pjesëmarrësve, me arsyetimin se kishte një xhakuzi të madh.

Një hetim i brendshëm për rastin është në vazhdim.