Izraeli është tronditur nga një sulm terrori. Të paktën një person është vrarë dhe gjashtë janë plagosur në një sulm në Tel Aviv, qendra tregtare e Izraelit. Mësohet se viktimat ishin turistë të huaj. Natyra e saktë e sulmit nuk ishte menjëherë e qartë, por ministria e jashtme e quajti atë si një “sulm terrorist”, një term që zyrtarët izraelitë përdorin për sulmet nga palestinezët.
Një makinë u përplas me një grup njerëzish pranë një parku të njohur bregdetar përpara se të rrokullisej. Shërbimi i shpëtimit i Izraelit tha se një burrë 30-vjeçar u vra, ndërsa katër persona të tjerë po merrnin trajtim mjekësor për lëndime të lehta.
Policia tha se ka qëlluar drejtuesin e makinës. Gjendja e shoferit ishte e pasigurt, por videot e mediave sociale duket se tregojnë një trup në tokë pranë një makine të përmbysur ndërsa dëgjohen të shtëna të shumta.
Nga sulmi ka vdekur një italian, që kishte ikur në Tel Aviv si një turist. Alessandro Parini nga Roma, mbeti i vrarë dhe disa persona të tjerë u plagosën, përfshirë dy bashkatdhetarë të tjerë, nga një automjet që u përplas me turmën që po ecte përgjatë bregdetit të qytetit izraelit. Autori qëlloi me armë në drejtim të turmës.
Në lidhje me këtë sulm të rëndë, Izraelit i janë shprehur ngushëllime nga shumë vende. Edhe vetë Izraeli shprehu ngushëllime ndaj Italisë, pasi shtetasi italian humbi jetën në kryeqytetin izraelit. Edhe Joseph Borrel ka reaguar për ngjarjen, duke dënuar aktet e dhunës.
Discussion about this post