Të paktën katër persona u konfirmuan të vdekur në një sulm me armë zjarri që ndodhi sot në një stacion autobusash në Jerusalem.
Sipas shërbimeve të emergjencës të paktën 15 persona u plagosën dhe tre prej tyre janë në gjendje të rëndë.
Më herët, policia njoftoi se dy autorët u neutralizuan në vendngjarje dhe sulmi po hetohet, sipas një deklarate të policisë.
Nuk është e qartë në këtë kohë nëse katër të vdekurit e njoftuar nga autoritetet izraelite përfshijnë edhe autorët e vdekur të sulmit që u neutralizuan në vend.
Sipas informacioneve nga mediat izraelite, autoritetet po hetojnë incidentin dhe e konsiderojnë një sulm terrorist.
“Pamë njerëz të shtrirë pa ndjenja në rrugë, në anët e rrugës dhe në trotuar pranë një stacioni autobusi. Në vendngjarje pati shumë shkatërrime, xhama të thyer në dysheme dhe shumë rrëmujë. Ne filluam t’u ofrojmë kujdes mjekësor të plagosurve dhe po vazhdojmë t’i trajtojmë dhe t’i transportojmë në spitale“, tha një anëtar i ekipeve të shpëtimit që mbërriti në vendngjarje.
Discussion about this post