Tronditet Kukësi, qëllohet me armë zjarri ndaj një biznesi

Një ngjarje e rëndë ka tronditur Kukësin ditën e sotme, ku një biznes pranë autostradës së Morinës është goditur me armë zjarri

Pronari i “Furra Kosova”, i shqetësuar dhe i tronditur, treguar se lokali i tij është bërë shënjestër e 8 plumbave.

Sipas qytetarit, ngjarja ka ndodhur pranë urës së re në Kukës, ndërsa ai thekson se nuk ka asnjë konflikt me askënd dhe nuk e kupton se kush mund ta ketë qëlluar.

“8 plumba më kanë gjuajtur drejt biznesit ‘Furra Kosova’ që kam në autostradën e Morinës, pranë urës së re që është bërë në Kukës. Nuk e di kush e ka bërë, më kanë bërë atentat.”

Fatmirësisht, nga të shtënat nuk ka persona të lënduar, megjithatë dëmet materiale janë të konsiderueshme dhe situata ka krijuar panik mes banorëve të zonës.

Policia ka mbërritur në vendngjarje dhe ka nisur menjëherë hetimet për zbardhjen e rrethanave dhe identifikimin e autorëve.

Njoftimi i policisë

Sot, më datë 28.11.2025, rreth orës 09:30, shtetasi L. O., ka njoftuar sallën operative të Drejtorisë Vendore të Policisë Kukës se ka konstatuar të dëmtuar fasadën me xham të dyqanit të tij.

Menjëherë në vendngjarje kanë shkuar shërbimet e Policisë dhe grupi hetimor.

Nga këqyrja e vendit të ngjarjes rezulton se fasada është dëmtuar me armë zjarri gjatë natës.

Grupi hetimor, nën drejtimin e Prokurorisë, po vijon punën për sqarimin e rrethanave të ngjarjes, identifikimin dhe kapjen e autorit/ve.