Të shtëna me armë zjarri kanë tronditur mbrëmjen e djeshme Carrallukën e Malishevës.
Policia ka njoftuar se ka vënë në pranga një person i cili dyshohet se është autori i të shtënave. Gjithashtu njofton se ka konfiskuar një revole me tre fishekë nga i dyshuari, ndërkaq në vendin e ngjarjes janë gjetur dhe konfiskuar edhe tri gëzhoja.
“Fsh. Carrallukë, Malishevë, 03.10.2021 – 22:17. Është arrestuar një i dyshuar mashkull kosovar, pasi i njëjti dyshohet se ka shtënë me armë zjarri. Policia nga i dyshuari ka konfiskuar një revole me tre fishekë, po ashtu në vendin e ngjarjes janë gjetur dhe konfiskuar edhe tri gëzhoja. Me urdhër të prokurorit i dyshuari pas intervistimit është liruar në procedurë të rregullt”, thuhet në raportin e policisë.
Pritet që motivi i kësaj ngjarjeje të zbardhet pas marrjes në pyetje nga policia të të arrestuarit.
