Dy shpërthime të forta mbrëmjen e sotme në orën 20:55 kanë tronditur qytetin e Sarandës, duke shkaktuar panik te banorët dhe pushuesit. Policia reagoi menjëherë, duke identifikuar vendin e ngjarjes dhe kapur dy autorët.
Ngjarja ndodhi në zonën e njohur si “Plazhi i Ri”, ku dy të rinj hodhën lëndë piroteknike me fuqi të lartë shpërthyese. Të dy janë shoqëruar në Komisariatin e Policisë së Sarandës.
Të dyshuarit janë identifikuar si Ervis Ogici, 18 vjeç, banues në Sarandë, dhe K. K., 17 vjeç, lindur në Kozani dhe banues në Korfuz të Greqisë.
Ndaj tyre po kryhen veprimet procedurale për veprën penale “Prishja e rendit dhe qetësisë publike”. Policia ka nisur hetimet për të zbuluar nëse pas kësaj ngjarjeje fshihet ndonjë motiv tjetër.
Discussion about this post