Një ngjarje e rëndë ka tronditur Shkodrën mëngjesin e sotëm. Dy vëllezër kanë mbetur të plagosur pas një konflikti për çështje pronësie të ndodhur rreth orës 09:15 në Fshatin e Ri, Njësia Administrative Rrethinat.
Gjatë përplasjes është dëmtuar me sende të forta shtetasi Lad Grudën, 34 vjeç. Konflikti është përshkallëzuar më tej ku shtetasi Xhevahir Fikaj, ka plagosur me armë zjarri pistoletë shtetasin Ilir Gruda, 41 vjeç.
Të plagosurit janë dërguar në spitalin rajonal të Shkodrës, ndërsa autori është shpallur në kërkim. Paraprakisht raportohet se sherri mes tyre ka nisur për një pronë, të cilën pretendojnë ta kenë të dyja palët.
Në videon e siguruar nga Gijotina.com mund të shikoni vendin ku ka ndodhur ngjarja e rëndë.
Brenda kësaj jave në Shkodër kanë ndodhur tre vrasje, ndërsa policia ende nuk ka identifikuar dhe arrestuar autorët.
