Gjyshi i Gianluca Scamacca, Sandro, u arrestua dje pasi i vuri një thikë në fyt një klienti në një lokal në Romë. Ngjarja ka ndodhur në lagjen Fidene, në periferi të kryeqytetit.
Sipas ‘Il Messaggero’, Sandro Scamacca ishte i dehur ose në një gjendje jo normale kur hyri në një lokal duke kërcënuar klientët brenda.
Gjyshi i Scamacca-s thuhet se i vuri një thikë në fyt një klienti, duke detyruar policinë të ndërhynte në vendngjarje.
Sipas raportimeve, ata fillimisht u përpoqën ta qetësonin vetëm duke folur me të përpara se të përdornin forcën për ta imobilizuar dhe çarmatosur.
Ai u arrestua dhe u akuzua për kanosje të rëndë, armëmbajtje dhe rezistencë ndaj funksionarëve publikë. Majin e kaluar, babai i Scamacca-s u arrestua për vandalizimin e disa makinave në Trigoria.
Scamacca, 22 vjeç, u kthye në Sassuolo në verë pas një huazimi te Genoa.
Ai ishte pjesë e skuadrës së Italisë që u përball me Zvicrën dhe Irlandën e Veriut gjatë pushimit të fundit ndërkombëtar.
Ai bëri debutimin e tij për të ekipin e parë Azzurri shtatorin e kaluar në një ndeshje kualifikuese të Kupës së Botës kundër Lituanisë./K.T/Gijotina.com
Discussion about this post