Ju përpiqeni dhe punoni shumë, por rezultatet mungojnë? Duhet të keni dëgjuar se sipas feng shui-t, shtëpia juaj është vendi kyç për rrjedhën e energjisë së jetës që ndikon në të gjitha sferat e jetës suaj.
Sipas parimit të feng shui-t, çdo shtëpi ndahet në zona të caktuara, njëra prej të cilave është e destinuar për dashuri dhe mirëqenie, tjetra për rehati dhe lumturi dhe e treta për përparim në të gjitha fushat, përfshirë financat.
Prandaj, nëse doni të rrisni të ardhurat tuaja dhe të lironi fluksin e energjisë së bollshme në shtëpinë tuaj, duhet t’i kushtoni vëmendje vendeve ku mbani ose kurseni para, si dhe ku e vendosni portofolin tuaj.
Në çdo shtëpi, sektori juglindor është përgjegjës për mirëqenien materiale. Prandaj duhet të vendosni portofolin në atë pjesë të shtëpisë dhe të mbani një “derrkuc”, të cilin do ta rimbushni vazhdimisht.
Gjithashtu, këtu mund të vendosni paratë që keni marrë për disa merita apo arritje të reja në punë, për të tërhequr energji për promovim dhe përmirësim financiar.
Pjesa juglindore e shtëpisë, e cila është përgjegjëse për financat e favorshme, duhet pasuruar me bimë, ndaj ekspertët e feng shui-t këshillojnë që në këtë pjesë të shtëpisë të mbani një pemë parash, bimë jeshile ose lule lejla. Elementi i ujit rrit efektin e zonës së pasurisë
Vendosni një tas me ujë, një akuarium të vogël ose një shatërvan dekorativ në pjesën juglindore të shtëpisë. Ju mund të përdorni foto që tregojnë ujëvara, lumenj të thellë, dete dhe oqeane.
Për më tepër, dekorojeni këtë pjesë të shtëpisë me objekte në ngjyrë ari dhe të kuqe dhe gjithashtu mund të vendosni hajmali të caktuara si figurina feng shui, një akuarium me peshq të kuq ose thjesht të dekoroni me monedha.
Nëse për ndonjë arsye nuk mundeni ose nuk dëshironi të mbani para në pjesën juglindore të shtëpisë, atëherë mbajeni portofolin dhe kutinë tuaj të parave në të ashtuquajturat pika të energjisë në shtëpi.
Këto janë vendet në shtëpi ku ndiheni më bukur dhe më këndshëm dhe që rrezatoni energji pozitive.
Discussion about this post