Presidenti amerikan Donald Trump e konsideron më të lehtë të negociojë me Rusinë sesa me Ukrainën, si pjesë e përpjekjeve për t’i dhënë fund luftës mes dy vendeve. Ai nënvizon se ai i beson Vladimir Putinit.
“Unë e besoj atë. Sinqerisht, e kam më të vështirë të negocioj me Ukrainën, e cila nuk ka asnjë letër në duart e saj. Ndoshta është më e lehtë të negociosh me Rusinë”, shtoi ai.
Presidenti amerikan tha gjithashtu se ai dëshiron një zgjidhje për luftën në Ukrainë.
“Unë kam pasur gjithmonë një marrëdhënie të mirë me Putinin. Unë mendoj se ai dëshiron t’i japë fund luftës. Unë mendoj se ai do të jetë më bujar se sa mund të ishte dhe kjo ndoshta është një gjë e mirë. Kjo do të thotë shumë gjëra”, tha ai.
Megjithatë, më herët Trump kërcënoi Rusinë me sanksione dhe tarifa të reja bankare, duke dënuar bombardimet e vazhdueshme në Ukrainë.
Rusia ndërmori një sulm masiv me dronë dhe raketa në infrastrukturën energjetike të Ukrainës gjatë natës. Presidenti ukrainas Volodymyr Zelensky bëri thirrje edhe një herë për një armëpushim në ajër dhe në det. Në fjalimin e mbrëmjes së sotme, ai siguroi se dëshiron paqen “sa më shpejt” dhe tha se po zhvillohen konsultime intensive me ekipin e Presidentit Trump në nivele të ndryshme, në funksion të takimit që delegacioni ukrainas dhe ai amerikan do të kenë javën e ardhshme në Arabinë Saudite.
Discussion about this post