Ushtria izraelite njoftoi se po kryente sulme ndaj objektivave të regjimit iranian në “zemër të Teheranit”, vetëm pak momente pasi presidenti i SHBA, Donald Trump, pretendoi se SHBA dhe Iran kishin zhvilluar “biseda produktive” me qëllim t’i jepnin fund luftës.
Sipas raportimeve, disa zona në kryeqytetin iranian janë shënjestruar në valën e fundit të sulmeve. Ndërkohë, Shoqata e Gjysmëhënës së Kuqe Iraniane raportoi se po kërkonte nën rrënojat e një ndërtese banimi në Teheran për të gjetur një fëmijë.
Nga ana e tij, Irani ka mohuar çdo dialog me Uashingtonin, sipas mediave të lidhura me shtetin iranian që cituan ministrinë e jashtme.
Trump gjithashtu njoftoi se SHBA do të pezullojnë përkohësisht sulmet ushtarake kundër centraleve energjetike iraniane për pesë ditë, duke u bazuar në përparimin e bisedimeve.
Discussion about this post