Trump ka nënshkruar marrëveshjen, çfarë pritet të ndodhë nesër

Trump do të shkojë në burg, do të paguajë 200,000 dollarë dhe do të largohet: Donald Trump  do të dorëzohet nesër, të enjten, tek autoritetet e shtetit të Xhorxhias, prokurori i të cilit ngriti akuza kundër tij për përpjekje për të përmbysur rezultatin e zgjedhjeve të tij presidenciale 2020, por do lirohet menjëherë nga burgu i qarkut Fulton

Ashtu si 18 të pandehurit e tjerë të kësaj çështjeje, edhe ish-presidenti ka afat deri të premten në mesditë (19:00 me orën greke) për t’u paraqitur në këtë burg të Atlantës.

Megjithatë, ai nuk do të mbahet në paraburgim sipas një marrëveshjeje për pranimin e fajësisë që ka lidhur, e cila përcakton se ai do të paguajë garancinë prej 200,000 dollarësh .

Nuk dihet ende nëse Trump do të ndjekë procesin e parashikuar për të gjithë të akuzuarit për shkak të statusit të tij si ish-president. Bazuar në rregulloret që zbatohen në të gjithë SHBA-në, autoritetet marrin në mënyrë elektronike gjurmët e gishtërinjve të të pandehurve dhe marrin dy fotografi të tyre, të njohura si “mugshots”

Tre herët e mëparshme që Trump është paditur – në Nju Jork, Florida dhe Uashington – ai nuk është detyruar t’i nënshtrohet procesit të fotografimit sepse është shumë i njohur.

Por Sherifi i Qarkut Fulton Patrick Labatt tha në fillim të këtij muaji se ai dëshiron t’i trajtojë të gjithë të pandehurit në mënyrë të barabartë. Nuk ka rëndësi kush jeni, ne jemi gati të bëjmë foton tuaj”, kishte theksuar ai.