Presidenti i Shteteve të Bashkuara, Donald Trump, tha se dëshironte të takonte së shpejti Presidentin rus Vladimir Putin për të siguruar fundin e luftës pothuajse 3-vjeçare me Ukrainën, duke u ankuar për atë që ai e quajti humbjen e madhe të jetëve.
Në prag të fitores së tij në zgjedhjet e 5 nëntorit, Trump deklaroi dhjetëra herë se do të kishte një marrëveshje midis Ukrainës dhe Rusisë në ditën e tij të parë në detyrë, nëse jo më parë. Këshilltarët e tij tani pranojnë se lufta do të marrë muaj për t’u zgjidhur.
“Unë do të doja të takohesha me Presidentin Putin së shpejti dhe të arrija fundin e luftës. Dhe kjo nuk vjen nga pikëpamja e ekonomisë apo ndonjë gjë tjetër. Vjen nga pikëpamja e miliona jetëve që po humbasin. Plumbat vijojnë të marrin jetë njerëzisht. Dhe plumbat ndalen vetëm nga trupat e njerëzve. Njerëzit qëllohen në fushën e betejës, siç thashë, plumbi nuk fshihet. Duhet ta ndalojmë këtë luftë, është e tmerrshme”, deklaroi Trump.
Trump theksoi se “Putini donte denuklearizimin”. Manjati kujton se kishte pasur një bisedë për këtë me Presidentin rus në vitin 2020, pak para zgjedhjeve që ai humbi ndaj Joe Biden: “Mund t’ju them se Putinit i pëlqeu një ide e tillë, për ndërprerjen e armëve nukleare. Dhe mendoj se pjesa tjetër e botës do të duhet ta kishte ndjekur këtë project. Edhe Kinës i pëlqen kjo gjë”.
E vetmja mënyrë që lufta mes Rusisë dhe Ukrainës të marrë fund është ulja e çmimit të naftës, theksoi Trump nga Davosi. Ai vuri në dukje se do komunikonte me Princin e Kurorës, Mohamed Bin Salman: “Është raportuar në gazeta se Arabia Saudite do të investojë të paktën 600 miliardë dollarë në Amerikë, por unë do t’i kërkoj Princit të Kurorës, i cili është një djalë fantastik, ta rrumbullakosë atë shumë në rreth 1 trilion dollarë. Unë mendoj se do ta bëjmë këtë, sepse ne kemi qenë shumë të mirë me ta. Sinqerisht, unë jam i befasuar që ata nuk e bënë këtë para zgjedhjeve. Tani për tani çmimi është mjaft i lartë saqë ju duhet ta ulni çmimin e naftës, ata duhet ta kishin bërë atë shumë kohë më parë, në një masë të caktuar për atë që është marrë Po humbasin miliona jetë. Nëse çmimet ulen, lufta mes Rusisë dhe Ukrainës do të mbyllet përfundimisht. Tani për tani, çmimet janë shumë të larta dhe në këtë mënyrë lufta vijon akoma. Duhet të ulni çmimet dhe në këtë mënyrë ndalet edhe lufta. Këtë gjë duhet ta kishin bërë kohë më parë. Ata janë shumë përgjegjës, pasi miliona jetë njeëzisht po humbasin”.
Disa nga kritikat e tij më të ashpra ishin të rezervuara për aleatët tradicionalë të SHBA-së, Kanadanë dhe Bashkimin Evropian, të cilët ai i kërcënoi sërish me tarifa të reja, ndërsa qortoi politikat e tyre të importit duke i fajësuar ata për deficitin e mallrave tregtare të SHBA-së me këta partnerë.
Discussion about this post