Presidenti amerikan Donald Trump ka pranuar se zgjidhja e luftës së nisur nga Rusia ndaj Ukrainës ka rezultuar më e vështirë se sa kishte parashikuar.
Gjatë një takimi me kryeministrin kanadez Mark Carney, Trump tha se kishte menduar se konflikti do të ishte “i lehtë për t’u zgjidhur”, duke e krahasuar me situatën në Lindjen e Mesme. Ai shtoi se është i zhgënjyer nga rezultatet dhe e përshkroi situatën si “të çmendur”.
Trump kujtoi gjithashtu se gjatë presidencës së tij ka arritur të vulosë shtatë marrëveshje të mëdha dhe ka propozuar një plan paqeje për Gazën, që duket se ka gjetur pranimin e palëve.
Pak ditë më parë, zv/presidenti JD Vance dhe sekretari i Shtetit Marco Rubio kanë përshëndetur qasjen më të ashpër të Trump ndaj Rusisë, duke theksuar se Moska nuk po bën mjaftueshëm për të ndalur luftën dhe vrasjet në Ukrainë. Vance tha se Trump beson se rusët nuk po tregojnë mirëbesim në bisedime, gjë që mund të ketë pasoja të rënda për vendin e tyre.
Discussion about this post