Trupi i një pengu të dytë izraelit u mor nga një strukturë pranë spitalit Al-Shifa në qytetin e Gazës, tha ushtria izraelite të premten herët.
Në një deklaratë thuhet se trupi i 19-vjeçares Noa Marciano – një tetare në Forcat e Mbrojtjes të Izraelit (IDF) – ishte transferuar në territorin izraelit.
IDF e gjeti trupin e saj, disa ditë pasi u shfaq një video e Hamasit që pretendonte se Marciano ishte vrarë në një sulm ajror izraelit.
Të enjten, IDF tha se kishte gjetur trupin e Yehudit Weiss, një gruaje 65-vjeçare izraelite e gjetur pranë spitalit Al-Shifa të Gazës. Një zëdhënës ushtarak tha se Weiss u vra nga Hamasi pa dhënë detaje mbi shkakun e vdekjes.
Weiss ishte një banore e kibucit Be’eri dhe u rrëmbye nga militantët e Hamasit më 7 tetor. Burri i saj, Shmuel, ishte në mesin e të vrarëve.
Nuk dihet nëse trupat e dy grave janë gjetur së bashku. Nuk dihen rrethanat e sakta të vdekjes së tyre.
Discussion about this post