Të tjera detaje tronditëse kanë dalë për vrasjen e Ilaria Sulës, 22-vjeçares shqiptare në Itali. Mark Antony Samson e vrau Ilarian duke e goditur 3 herë me thikë në fyt, mbrëmjen e 25 marsit, plagë që i shkaktuan vdekjen 22-vjeçares shqiptare në më pak se një minutë për shkak të humbjes së madhe të gjakut.
Më pas, filipinezi mbylli derën e dhomës së tij të gjumit dhe deri pasditen e 26 marsit e mbajti të fshehur trupin e studentes shqiptare, të cilën e kishte ftuar për të fjetur në shtëpinë e tij, ndërsa ende nuk dihen arsyet pasi thuhet se çifti ishin ndarë. Pas gjetjes së trupit, policia nisi hetimet dhe zbuloi makinën e familjes së Samson pranë shkëmbit ku trupi i vajzës u gjet në një valixhe.
Megjithatë, ka dyshime se 23-vjeçari mund të jetë ndihmuar nga prindërit të cilët dyshohet se kanë qenë në shtëpi në momenti ne krimit. Prindërit kanë mohuar se kishin dijeni për ngjarjen, ku babai ka deklaruar se nuk ndodhej në shtëpi, ndërsa nëna se ishte në gjumë dhe nuk ka dëgjuar gjë.
Dyshime ka ngritur dhe fakti që në dhomën e Samson u gjetën vetëm shenja të vogla gjaku, duke treguar se dikush e kishte pastruar. Samsoni akuzohet për vrasje me dashje dhe për fshehje të kufomës, ndërsa ende nuk tha asgjë për rolin e prindërve të tij. Por hipoteza është se, ndërkohë që prindërit e Ilarisë e kërkonin dhe bënin apel për ndihmë, ata kanë mbuluar krimin e djalit të tyre.
Discussion about this post