Truprojat binjakë të Cristiano Ronaldos janë nën hetim për punë të paligjshme në Portugali.
Sergio dhe Jorge Ramalheiro, që dikur kanë qenë ish-ushtarë që shërbyen në Afganistan me një njësi elitare të forcave speciale, së fundmi janë bërë truproja të yllit të Manchester United. Pas largimit nga Afganistani ata u bënë pjesë e një njësie të mbrojtjes së ngushtë të policisë portugeze, PSP, e ngarkuar me mbikëqyrjen e politikanëve dhe gjyqtarëve.
Revista portugeze ‘Flash’ raporton se binjakët, ishin punësuar nga Cristiano pasi ata kërkuan të shkonin me leje pa pagesë nga policia e PSP për të ndjekur interesa të tjera.
Ndërsa gazeta portugeze ‘Observador’ zbulon se ata janë nën hetim mbi akuzat se kanë ofruar mbrojtje të paautorizuar të ngushtë në vendin e tyre të lindjes. Më tej shtohet se ata do përballen me procedime disiplinore kur të kthehen në PSP.
Rikujtojmë se truprojat e Ronaldos ranë në sy kur e shoqëruan atë në Aeroportin e Mançesterit për fillimin e ndeshjes së ekipit të tij në Champions League kundër ekipit zviceran Young Boys.
Ndërsa në të shkuarën portugezi ka qenë i mbrojtur nga një ish-luftëtar MMA dhe një ish-parashutist elitar. Ish-parashutisti Nuno Marecos ndihmoi për të mbajtur yllin e futbollistit të sigurt, kur ai ishte ende në Real Madrid. Ndërsa kur identiteti i tij u bë publik në qershor 2018, Nuno u përshkrua si udhëheqësi i një grupi burrash me bazë në një qytet afër Lisbonës, të cilët argëtonin turmat në ndeshjet e demave gjatë kohës së tyre të lirë./K.T/Gijotina.com
Discussion about this post